Polşa xarici işlər naziri Radoslav Sikorski, İsrail milli təhlükəsizlik naziri İtamar Ben-Qvirin Polşa vətəndaşları da daxil olmaqla, saxlanılan Sumud donanmasının fəallarına qarşı vəhşicəsinə rəftarını əks etdirən videosunun yayımlanmasından sonra Varşavadakı İsrail səfirliyinin müvəqqəti işlər vəkilini izahat almaq üçün ofisinə çağırdı.
Sikorski X-də yazıb: “Mən qəzəbimizi ifadə etmək və İsrail hökuməti üzvünün son dərəcə qəbuledilməz davranışına görə üzr istəməyi tələb etmək üçün İsrailin Varşavadakı müvəqqəti işlər vəkilinin dərhal çağırılmasını əmr etdim. Biz Polşa vətəndaşlarının dərhal azad edilməsini və onlara beynəlxalq standartlara uyğun davranılmasını tələb edirik.” Diplomat əlavə edib: “Polşa İsrail hakimiyyətinin İsrail ordusu tərəfindən saxlanılan və aralarında Polşa vətəndaşları olan Sumud donanmasının fəallarına qarşı hərəkətlərini qətiyyətlə pisləyir”.
Ben-Gvir X-də İsrail təhlükəsizlik qüvvələrinin bir fəalı əlləri bağlı şəkildə yerə yıxdığını, onlarla digər saxlanılan şəxsin isə yerə üzü üstə çökdüyünü göstərən görüntülər paylaşıb. Arxa planda İsrailin dövlət himni səslənir. Başlıqda Ben-Gvir fəalları “terrorizm tərəfdarları” adlandırıb. (Tass)