Cümə günü telefon danışığı zamanı Belarus və Ermənistanın xarici işlər nazirləri Sergey Aleynik və Ararat Mirzoyan həm ikitərəfli formatda, həm də inteqrasiya birlikləri çərçivəsində qarşılıqlı fəaliyyəti davam etdirmək barədə razılığa gəliblər. Bu barədə Belarus Xarici İşlər Nazirliyinin mətbuat xidməti məlumat yayıb.
“Aleynik erməni həmkarını Kollektiv Təhlükəsizlik Müqaviləsi Təşkilatı çərçivəsində Minsk şəhərində keçirilən tədbirlərin nəticələri və Kollektiv Təhlükəsizlik Şurasının qəbul etdiyi qərarlar barədə əsaslı şəkildə məlumatlandırıb.Nazirlər regiondakı vəziyyəti, cari məsələləri müzakirə ediblər. Onlar həm ikitərəfli formatda, həm də inteqrasiya birlikləri çərçivəsində qarşılıqlı fəaliyyəti dəstəkləməyə davam etmək barədə razılığa gəliblər”, – deyə məlumatda bildirilir. (Tass)