“Report”un məlumatına görə, bunu Bakı Dövlət Universitetinin (BDU) rektoru Elçin Babayev “Afrika Günü 2026: Yüksələn qitə, yeni tərəfdaşlıqlar” mövzusunda konfransda deyib.

“Onlar beynəlxalq təqaüd proqramları, o cümlədən Heydər Əliyev adına Beynəlxalq Təhsil Qrant Proqramı çərçivəsində təhsil alırlar”, – Babayev qeyd edib.

Rektor vurğulayıb ki, afrikalı tələbələr təkcə təhsil alanlar deyil, həm də akademik ictimaiyyəti öz baxışları, ənənələri və təcrübələri ilə zənginləşdirən mədəniyyət səfirləridir.

“Onlar təhsildə yüksək akademik nailiyyətləri ilə fərqlənir, təhsil və elmi fəaliyyətdə daim əla nəticələr nümayiş etdirirlər. Mən onların akademik tərəqqisini diqqətlə izləyir və nailiyyətləri ilə böyük qürur duyuram. Onlar universitetimizin ən yaxşı xarici tələbələridir”, – o bildirib.

Babayev həmçinin qeyd edib ki, afrikalı tələbələr Azərbaycanda keçirilən beynəlxalq müzakirələrdə, o cümlədən gənclərin daha ədalətli və dayanıqlı dünya nizamının formalaşmasındakı roluna həsr olunmuş təşəbbüslərdə fəal iştirak edirlər.

“Onların iştirakı bizə xatırladır ki, universitetlər sadəcə təhsil müəssisələri deyil, gələcəyin liderləri, diplomatları, tədqiqatçıları və novatorlarının yetişdiyi məkanlardır”, – rektor vurğulayıb.