Rusiyadan Ermənistana güzəştli qaz və neft məhsullarının tədarükünün dayandırılması respublikanı yanacaq qiymətlərinin 200%-ə çatması ilə təhdid edir. Bu fikri TASS-a makroiqtisadçı və P.A.Stolıpin adına Artım İqtisadiyyatı İnstitutunun eksperti Sergey Vasilkovski bildirib.
Ermənistanın Baş naziri Nikol Paşinyan bir müddət əvvəl seçicilərlə görüşündə bildirib ki, Rusiya ilə münasibətlərin pisləşməsi və təbii qaz, neft məhsulları və xam almazların güzəştli tədarükü haqqında 2013-cü il müqaviləsinin dayandırılması ehtimalı halında əmtəə qiymətlərinin artması hakimiyyəti narahat etmir. O bildirib ki, belə bir vəziyyətdə Ermənistan “dünyanın kəsişməsinə” çevrilməklə varlanmağı gözləyir.
Ekspert hesab edir ki, “Geosiyasi vəziyyət hazırda son dərəcə gərgindir və Ermənistan iqtisadiyyatı üçün ciddi risklər yaradır. Ermənistan hazırda Rusiya qazını güzəştli qiymətlərlə alır. Bazar şərtlərinə keçid yanacaq qiymətlərinin çox böyük artımı ilə təhdid edir – müxtəlif hesablamalara görə, bu, 30%-dən 200%-ə qədər dəyişir”, – deyə ekspert bildirib. (Tass)