İsrail Həbsxanalar İdarəsi Həmas ilə razılaşma çərçivəsində şənbə günü azad ediləcək 42 fələstinli məhbusun siyahısını alıb və artıq onların azadlığa buraxılması üçün hazırlıqlara başlayıb. Bu barədə “Kan” radiostansiyası məlumat yayıb.
O, həmçinin Agence France-Presse-ə istinadən bildirir ki, HƏMAS noyabrın 25-də 14 israilli girovu azad edəcək.
Cümə günü fələstinli radikallar dördü uşaq olmaqla 13 israillini azad ediblər. Bunun müqabilində İsrail 39 fələstinlini (24 qadın və 15 yeniyetmə) həmin gün hər israilliyə 3 fələstinli olmaqla həbsdən azad edib. Bundan əlavə, yəhudi dövlətinin səlahiyyətlilərinə görə, sövdələşmənin şərtlərinə tabe olmayan 11 xarici vətəndaş eyni vaxtda azad edilib. (Tass)