London polisi axtarış məqsədilə İngiltərə baş nazirinin iqamətgahı yaxınlığındakı Uaythol hökumət küçəsində pirotexniki vasitələrdən istifadə edən bir qrup Fələstin tərəfdarı fəalı saxlayıb. Bu barədə Skotland-Yardın mətbuat xidməti X sosial şəbəkəsində (keçmiş Twitter) məlumat yayıb.
“[Əsas etiraz yürüşündən] ayrılan qrup Uaythalldan keçməyə başladı. Onlar şənbə günü əvvəlki etiraz aksiyaları zamanı polis məmurlarına qarşı istifadə edilmiş məşəllərdən atəş açıblar”, – məlumatda deyilir. “Onlar İctimai Asayiş haqqında Qanunun 60-cı bəndinə uyğun olaraq axtarış məqsədilə saxlanılıblar”, – Skotland Yard əlavə edib.
Londonda İsrail Müdafiə Qüvvələrinin Qəzza zolağında keçirdiyi əməliyyatın dayandırılması tələbi ilə artıq yeddinci şənbədir ki, kütləvi etiraz aksiyaları keçirilir. Bir neçə on minlərlə insan şəhərin küçələrinə çıxaraq “Barış dərhal!” və “Azad Fələstin” şüarları səsləndiriblər. Asayişin qorunmasına 1,5 mindən çox polis cəlb edilib. (Tass)