ABŞ müdafiə naziri Lloyd Ostin ukraynalı həmkarı Rustem Umerov ilə Qərbin Kiyevə hərbi yardımı ilə bağlı məsələləri müzakirə edib. Bu barədə Pentaqonun mətbuat katibi Patrik Rayder ABŞ Hərbi Hava Qüvvələrinin bəyanatında bildirib.
Sənəddə qeyd edilib ki, Ostin şənbə günü Umerovla telefon danışığı aparıb. Onlar döyüş meydanındakı vəziyyəti, eləcə də Qərbdən Ukraynaya “hərbi yardım göstərməkdə prioritetləri” müzakirə ediblər.
Ostin bu həftənin əvvəlində Ukrayna prezidenti Vladimir Zelenski və ölkənin müdafiə naziri ilə görüşmək üçün Kiyevə səfər edib. Daha sonra Pentaqon rəhbəri Kiyevə 100 milyon dollar dəyərində əlavə hərbi yardım paketinin ayrıldığını açıqlayıb.Ostin Zelenski ilə mətbuat konfransı zamanı deyib ki, ABŞ-ın Ukrayna ordusu üçün sehrli çubuq olacaq silahları yoxdur. Hər şey Ukraynanın Qərbin silahlarından necə istifadə etməsindən asılıdır. (Tass)