İsrailin Baş naziri Binyamin Netanyahu ABŞ-ın Yaxın Şərqdəki mövcud münaqişənin həlli ilə bağlı tələblərindən yayınmaq üçün bütün variantlarını tükətdib. Bu barədə “Al-Monitor” portalı İsrail hökumət mənbələrinə istinadən məlumat yayıb.
Portalın qeyd etdiyi kimi, ABŞ-ın təzyiqinə tab gətirə bilməməyin bariz nümunələrindən biri İranla danışıqların pozulması təhlükəsi fonunda Beyruta zərbələri dayandırmaq qərarı idi. Əvvəllər Netanyahunun ABŞ-la münasibətlərində manevr etmək üçün yeri var idi, lakin indi ABŞ prezidenti Donald Trampın Yaxın Şərqdə sülh yolu ilə həll istəyi nəzərə alınmaqla İsrail rəhbərliyi Vaşinqtona tabe olmağa məcburdur.
“Netanyahu öz taleyini və İsrailin taleyini Trampın əhval-ruhiyyəsinə bağlayırdı. İndiyə qədər o, bu sxemdən xeyli faydalanıb, lakin Tramp [İranla] müharibədən bezib onun nəticələrini anlamağa başlayan kimi Netanyahu özünü Trampın təzyiqi altında tapdı”, – deyə “Al-Monitor”un mənbələrindən biri qeyd edib.
Portalın mənbələri qeyd edir ki, Netanyahu prezidentlər Bill Klinton, Barak Obama və Co Baydenin dövründə həmişə ABŞ təzyiqlərinə müqavimət göstərməyi bacarıb. Lakin İsrail baş nazirinin Donald Trampın dəstəyinə həddindən artıq güvənməsi sonda ona qarşı qeyri-bərabər asılılığa səbəb olub və bu asılılığın öhdəsindən gəlmək bu mərhələdə mümkünsüz görünür. (Tass)