Rusiya Prezidenti Vladimir Putin bildirib ki, Rusiya Konstitusiyası buna icazə versə də, 2030-cu ildə prezidentliyə namizəd olub-olmayacağını müzakirə etmək üçün hələ tezdir.
“Həqiqətən də, konstitusiya 2030-cu ildə seçkilərə icazə verir. Amma düşünürəm ki, bu barədə danışmaq üçün hələ tezdir. Açığı, çox tezdir”, – deyə Rusiya lideri bildirib. “Hazırda bu barədə düşünmürəm. Sizə açıq deyirəm: bu barədə düşünmürəm də”, – deyə o əlavə edib. Putin vurğulayıb ki, “ölkə bir çox böyük, genişmiqyaslı və təcili problemlərlə üzləşir”. “Bunlar bu barədə deyil, Rusiyanın gələcəyi barədə düşünməklə həll edilməlidir. Biz də məhz bunu düşünməliyik”, – deyə o yekunlaşdırıb. (Tass)