Dahi şair Səməd Vurğunun yaradıcılığı 7-dən 77-yə hər kəsin dilində əzbərdir. Onun zəngin ədəbi irsinin qorunaraq bu günümüzə qədər gəlib çatması hər birimiz üçün qürur mənbəyidir.
Bunu AZƏRTAC-a açıqlamasında Xalq şairi Səməd Vurğunun 120 illiyi münasibətilə keçirilən tədbirdə çıxış edən aktyor Vüqar Hacıyev söyləyib.
Səməd Vurğunun yaradıcılığına həsr olunan gecədə çıxış etməyin onun üçün unudulmaz anlardan biri olduğunu diqqətə çatdıran aktyor deyib: “Yaradıcılıq gecəsində “Vaqif” poemasının qəhrəmanı Vaqif obrazını canlandırmaq və böyük şairin şeirlərini səsləndirmək mənə xüsusi fəxr hissi yaşatdı. Bu, həm Səməd Vurğunun yaradıcılığına olan sevgimin, həm də Azərbaycan ədəbiyyatına bağlılığımın ifadəsi idi”.