İslam Respublikasındakı neft-kimya kompleksinə edilən hücuma cavab olaraq, İran İsrailin Hayfa şəhərindəki oxşar hədəflərə raket zərbələri endirib. Bu barədə SNN telekanalının verdiyi məlumata görə, İslam İnqilabı Keşikçiləri Korpusunun (İİKK) bəyanatında bildirilir.
İİKK xəbərdarlıq edib ki, düşmənin enerji infrastrukturu obyektlərinə hücumları təkcə region üçün deyil, həm də bütün qlobal iqtisadiyyat üçün təhlükəli nəticələrə səbəb ola bilər.
Daha əvvəl İsrail ordusu İranın cənub-qərbindəki Xuzistan əyalətinin Bəndər-Məhşəhr bölgəsindəki neft-kimya kompleksinə zərbə endirdiyini açıqlamışdı. Bu arada, İranın “Əl-Aləm” televiziya kanalı hücumların kompleks daxilində yerləşən obyektlərə ziyan vurduğunu bildirib.