İsrail İran və ya Livandan gələn istənilən hücuma cavab vermək niyyətindədir. Bu barədə İsrail Baş naziri Binyamin Netanyahunun ofisinin müşaviri Dmitri Gendelman bildirib.
O, Telegram kanalında yazıb: “İrandan atılan istənilən atəş güclü cavabla qarşılanacaq. Livandan atılan istənilən atəş Dahiyaya (Beyrutun cənub ətrafı ) dəyəcək”.
7 iyun axşamı İran İsrailin şimalına raket atdı. İsrail ordusu bütün raketlərin tutulduğunu iddia etdi. Bu, İsrailin həmin gün əvvəl Beyrutun ətrafında Hizbullah hədəfinə hücumundan sonra baş verdi.
İsrailin sözlərinə görə, bu hücum Hizbullahın şimal İsraili atəşə tutmasına cavab idi. İran hakimiyyəti əvvəllər Livan paytaxtına hücum ediləcəyi təqdirdə İsrailə qarşı qisas alacaqları barədə xəbərdarlıq etmişdi. 8 iyun gecəsi İsrail İrana qarşı qisas hücumu etdi və səhər İran da öz növbəsində İsrail ərazisini yenidən atəşə tutdu.