İsrail ABŞ prezidenti Donald Trampın xahişi ilə İrana hücumları dayandırmaq qərarına gəlib, lakin Livanda hücumları davam etdirmək niyyətindədir. Bu barədə İsrail televiziyasının 12-ci kanalı yüksək vəzifəli məmura istinadən məlumat yayıb.
“Trampın xahişi ilə İsrail İrana hücumları dayandırır. Livanın cənubundakı hücumlar yaxın günlərdə tam gücü ilə davam edəcək. İcmalarımıza və mülki əhaliyə hücumlar davam edərsə, Dahiyanı (İranpərəst təşkilat Hizbullahın yerləşdiyi Beyrutun ətrafı) da bombalayacağıq”, – deyə İsrail rəsmisi bildirib.
Kanal 12 əvvəllər Trampla İsrailin Baş naziri Binyamin Netanyahunun telefon danışığı apardığını bildirmişdi. Məzmun açıqlanmayıb. Bundan əvvəl Amerika lideri İran və İsrailin Yaxın Şərqdə atəşkəsə nail olmağa sadiq olduqlarını bildirmişdi. (Tass)