İndoneziyanın xarici işlər naziri Sugiono Rusiya-ASEAN sammitində iştirak etmək üçün Kazana gəlib. Bu barədə Tatarıstan hökumətinin saytında məlumat verilib.
“İndoneziya xarici işlər naziri cənab Sugiono Tatarıstana işgüzar səfərə gəlib. Onu Kazan beynəlxalq hava limanında Tatarıstan Respublikası Baş nazirinin müavini Vasil Şeyxraziyev qarşılayıb. Kazana səfəri zamanı İndoneziya xarici işlər naziri Rusiya-ASEAN sammitində iştirak edəcək”, – deyə açıqlamada bildirilir.
Rusiya-ASEAN Zirvə Görüşü 17-19 iyun tarixlərində Kazanda keçiriləcək. ASEAN-a Bruney, Şərqi Timor, Vyetnam, Laos, Kamboca, İndoneziya, Malayziya, Sinqapur, Myanma, Tayland və Filippin daxildir. Əvvəlki Rusiya-ASEAN sammiti 2021-ci ildə videokonfrans vasitəsilə keçirilib. Bu il həmçinin Rusiya ilə ASEAN arasında münasibətlərin qurulmasının 35-ci ildönümüdür. (Tass)