Slovakiyanın Baş naziri Robert Fiko Avropa Şurasının prezidenti António Kostanı Rusiya ilə əlaqələr qurmaq səylərində dəstəkləyərək, onun bu yanaşmanın “ən fəal tərəfdarlarından biri” olduğunu qeyd edib.
17 iyun tarixində Bloomberg agentliyi “Kostanın əsas məsləhətçilərindən birinin” “Rusiya prezidentinə yaxın yüksək vəzifəli Rusiya rəsmisi ilə iki telefon danışığı apardığını” və bunun bir neçə AB ölkəsini “qəzəbləndirdiyini” bildirib.
Avropanın “Politico” nəşrinin sitat gətirdiyi kimi, Fiko Rusiya ilə əlaqələrin qurulması ilə bağlı deyib: “Mən Avropa Şurasının prezidentini dəstəkləyirəm və onun komandasının bu istiqamətdə irəliləməsini alqışlayıram. Bu fikri bölüşən bir neçə baş nazir var”. (Tass)