ABŞ Dövlət katibi Marko Rubio bu həftə əsasən Vaşinqton-Tehran razılaşmalarının həyata keçirilməsini müzakirə etmək üçün Birləşmiş Ərəb Əmirlikləri (BƏƏ), Küveyt və Bəhreynə səfər edəcək. Bu barədə Dövlət Departamentinin mətbuat katibi Tommi Piqot bildirib.
Dərc olunmuş yazılı bəyanatında qeyd edildiyi kimi, ABŞ diplomatı Yaxın Şərqdə, digər məsələlərlə yanaşı, “İranla anlaşma memorandumunun” həyata keçirilməsini, Hörmüz boğazında tam, sərbəst və təhlükəsiz naviqasiyanın təmin edilməsi səylərini və regionda sülh və sabitliyin əhəmiyyətini” müzakirə edəcək. Səfər iyunun 23-dən 25-dək davam edəcək. Bəhreyndə Rubio həmçinin Körfəz Əməkdaşlıq Şurasındakı həmkarları ilə çoxtərəfli görüşdə iştirak edəcək.