AB ölkələri silah və hərbi güc baxımından Rusiyanı ötmək üçün növbəti 10 il ərzində silah istehsalına 7 trilyon avro xərcləməlidirlər. Müdafiə üzrə Avropa komissarı Andrius Kubilius Brüsseldə keçirilən hərbi konfransda AB-nin strateji məqsədini belə ifadə edib.
Onun sözlərinə görə, Avropa İttifaqı “silah istehsalı, silahların sayı və hərbi qüvvə baxımından Rusiya Federasiyasını ötməlidir”.
“AB ölkələri NATO öhdəliklərinə uyğun olaraq (hərbi xərclərini ÜDM-in 5%-nə çatdırmaq ) növbəti 10 il ərzində buna təxminən 7 trilyon avro xərcləyəcəklər”, – deyə o, sözünə davam edib. (Tass)