Hörmüz boğazında gəmiçiliyin idarə olunmasının gələcək mexanizmlərinə tranzit rüsumlarının tətbiqi daxil deyil. Bu barədə Omanın xarici işlər naziri Bədr əl-Busaidi Bəhreyndə keçirilən Körfəz dövlətləri və ABŞ-ın birgə nazirlər görüşündə bildirib.
Oman Xəbər Agentliyi onun sözlərini sitat gətirib: “Boğazla bağlı gələcək razılaşmalarda heç bir tranzit rüsumunun tətbiqi nəzərdə tutulmur”. Əl-Busaidi həmçinin Muskatın ABŞ və İran arasında anlaşma memorandumunu dəstəklədiyini təsdiqləyib və onun həyata keçirilməsinin “Hörmüz boğazından naviqasiya azadlığının bərpası” üçün vacibliyini qeyd edib.