BMT-nin Humanitar Məsələlər üzrə Baş katibinin müavini Tom Fletçerin sözlərinə görə, Venesuelada zəlzələdən sonra 50 mindən çox insan itkin düşüb.
“Bu, olduqca mürəkkəb bir xilasetmə əməliyyatıdır. 50 mindən çox insan itkin düşüb, 500-dən çox insan isə ölüb, ona görə də dağıntıları təmizləmək nəhəng bir işdir”, – deyə Agence France-Presse (AFP) onun sözlərini sitat gətirib. Fəlakət zonasındakı AFP müxbirlərinin sözlərinə görə, hər yerdə dağılmış binalar və nəhəng dağıntı yığınları görünür. Ailələr hələ də dağıntılar altında qalmış ola biləcək insanları axtarmağa davam edirlər.
Agentlik xatırladır ki, keçmişdə oxşar miqyaslı zəlzələlər ölüm sayının xeyli artmasına səbəb olub. Məsələn, 2010-cu ilin yanvar ayında Haitidə 200.000-dən çox, 2005-ci ilin oktyabrında Kəşmirdə təxminən 73.000 və 2023-cü ilin fevral ayında Türkiyə-Suriya sərhədində təxminən 53.500 nəfər həlak olub.