Alman-Hollandiya Korpusu Latviya və Estoniyada yerləşən NATO qüvvələrinin komandanlığını öz üzərinə götürərək bölgədə yeni taktiki qərargah yaradıb. DPA xəbər agentliyinin məlumatına görə, rəsmi mərasim Estoniya-Latviya sərhədindəki Valqada Almaniyanın müdafiə naziri Boris Pistoriusun iştirakı ilə baş tutub.
Almaniya Müdafiə Nazirliyi bununla bağlı qeyd edib ki, “Almaniya və Hollandiya NATO-nun şərq cinahında çəkindirmə və müdafiə tədbirlərinə görə məsuliyyəti öz üzərinə götürməyə hazır olduqlarını və qabiliyyətlərini nümayiş etdirirlər”. Alman-Hollandiya Korpusu artıq hərbi təlimlərin təşkili və əlaqələndirilməsi, eləcə də regionda təhlükəsizliyin təmin edilməsindən məsul olacaq. İndiyə qədər bu məsuliyyət Polşadakı NATO Komandanlıq Mərkəzinin üzərinə düşürdü.