NATO üzvü olan ölkələr hazırda İtaliyanın mövqeyinə görə Ukraynaya əlavə yardımın göstərilməsi üçün vaxt qrafiki barədə razılığa gələ bilmirlər. Bu barədə Frankfurter Allgemeine Zeitung (FAZ) diplomatik mənbələrə istinadən məlumat yayıb.
Nəşrin məlumatına görə, NATO-nun daimi nümayəndələri çərşənbə axşamı Ankarada keçiriləcək qarşıdan gələn ittifaq sammiti üçün yekun bəyanat layihəsindəki ifadəni dəstəkləyiblər. Bəyanatda 2026-cı ildə Ukraynaya silahlanma, hərbi dəstək və təlim üçün 70 milyard avro ayrılacağı nəzərdə tutulur. Əvvəlcə mətnə 2027-ci ildə Kiyevə “ən azı müqayisə edilə bilən səviyyədə” yardımın davam etdirilməsi ilə bağlı müddəanın daxil edilməsi planlaşdırılırdı. Lakin İtaliya gələn il üçün bu cür öhdəliklərə qarşı çıxdı. Beləliklə, bu müddəa hələ də sual altındadır.
Daimi nümayəndələrin yeni görüşü iyulun 2-də keçiriləcək və onlar ittifaq sammitindən əvvəl mətn üzərində razılığa gəlməyə çalışacaqlar. FAZ-ın qeyd etdiyi kimi, rəsmi Berlin NATO-nun Kiyevə uzunmüddətli yardım göstərmək öhdəliyini təmin etmək üçün səy göstərir.
NATO-nun Ankara sammiti 7-8 iyul tarixlərində keçiriləcək.