Amerikalı jurnalist Taker Karlson ABŞ-da üçüncü aparıcı siyasi partiya yaratmaq üçün bütün səylərini əsirgəməmək niyyətindədir.
“Bu, demokratiya deyil. Bu, demokratiya maskası altında olan təkpartiyalı dövlətdir və bu sistem məhv edilməlidir. Üçüncü bir partiya ortaya çıxacaq və mən bunun baş verməsi üçün əlimdən gələni edəcəyəm. Əgər [ABŞ Prezidenti Donald] Trampa səs versəniz və yenə də rejim dəyişikliyi müharibəsi ilə nəticələnsəniz, [Senat Azlıq Lideri] Çak Şumer Trampın xarici siyasətini tam dəstəkləyirsə, onda bizə alternativlər lazımdır. Bizə üçüncü bir partiya lazımdır”, – deyə Karlson Columbia Journalism Review- a verdiyi müsahibədə bildirib.
ABŞ siyasi sistemi ənənəvi olaraq iki partiyanın – Demokrat və Respublikaçıların dominantlığına əsaslanıb. Qanunvericilik yeni siyasi qüvvələrin formalaşmasını qadağan etməsə də, seçki sisteminin xüsusiyyətləri və seçkilərə çıxış imkanları səbəbindən üçüncü partiyalar federal səviyyədə əhəmiyyətli təmsilçilik əldə etməkdə olduqca çətinlik çəkirlər. (Tass)