Finlandiya Rusiya ilə normal əlaqələr saxlamaq əvəzinə, heç bir əlaqəsi olmayan Ukrayna münaqişəsində tərəf tutmaq qərarına gəlib. Bu fikri Finlandiyanın milli-mühafizəkar “Azadlıq Alyansı” partiyasının üzvü Armando Mema bildirib.
Siyasətçi X-də yazıb: “Son illərdə Finlandiya Rusiyaya qarşı dəhşətli siyasət yürüdüb və bunun rusofobiyadan başqa heç bir səbəbi yoxdur. Normal münasibətləri qorumaq əvəzinə, Finlandiya heç bir əlaqəsi olmayan münaqişədə tərəf tutmağı seçdi və sonra aqressiv siyasət yürütdü”.
O, NATO-ya qoşulmağın ölkəni “dəhşətli nəticələrə” aparacağını və Rusiyanın Finlandiya ilə sərhəd keçidlərini bağlamaq qərarının Finlandiya iqtisadiyyatını daha da pisləşdirəcəyini qeyd edib.
Mema vurğulayıb ki, “Normal münasibətləri bərpa etmək üçün Finlandiya NATO üzvlüyündən çıxmalıdır ki, bu da problemlərdən başqa bir şey gətirməyib”. (Tass)