Bu barədə “Report”a komitədən məlumat verilib.
Qeyd edilib ki, İslam Dünyası Təhsil, Elm və Mədəniyyət Təşkilatı (ICESCO) və Özbəkistan İslam Sivilizasiyası Mərkəzinin birgə təşkilatçılığı ilə keçiriləcək forum iyulun 6-dan 8-nə qədər davam edəcək.
Tədbir çərçivəsində dövlət rəsmiləri, tanınmış din xadimləri, transmilli təşkilatların, aparıcı elm-təhsil müəssisələrinin və media platformalarının rəhbərlərinin iştirakı ilə plenar iclaslar, elmi konfranslar, strateji müzakirələr və təqdimatlar baş tutacaq.
Bildirilib ki, ilk dəfə təşkil olunan Forum XXI əsrdə müsəlman coğrafiyasında sülh mühitinin, qarşılıqlı hörmətin, sivilizasiyalararası dialoqun və qlobal humanitar tərəfdaşlığın təşviqinə xidmət edən yeni bir platforma kimi nəzərdə tutulur.
Forumda İslam dininin humanist mahiyyəti, incəsənəti, əlyazma irsi, elm tarixi, rəqəmsal resursların tətbiqi, mədəniyyətlərarası əlaqələr, həmçinin sülh və dialoq mədəniyyətinin formalaşmasında rolu kimi kimi mövzular ətrafında fikir mübadiləsi aparılacaq.