NATO ölkələri Avropada Amerika ABRAMS tankları, ATACMS raketləri, Stinger daşınan hava hücumundan müdafiə sistemləri və digər silah sistemləri istehsal edəcəklər. Bu barədə NATO-nun baş katibi Mark Rutte NATO sammiti çərçivəsində keçirilən Müdafiə Sənayesi Forumunda bildirib.
“Amerikanın aparıcı müdafiə şirkətlərinin Avropanın aparıcı müdafiə sənayesi oyunçuları ilə yeni müdafiə-sənaye təşəbbüsü imzalamağa razılıq verməsini alqışlayıram. Bu, NATO-ya Avropada ABRAMS tankları, AMRAAM raketləri, ATACMS və Stinger sistemləri kimi əsas Amerika silahlarını istehsal etməyə imkan verəcək”, – deyə o bildirib. “Biz Atlantik okeanının hər iki tərəfində həddindən artıq əlavə investisiya qoyulmadan silah istehsal edəcəyik və NATO-nun müdafiə sənayesi və innovativ infrastrukturu üçün əlçatan fabriklər sistemi yaradacağıq”.
Rutte vurğulayıb ki, NATO Ukraynaya verilən təchizatla tükənən “arsenalını yenidən doldurmalı” və “rəqiblərindən daha çox silah istehsal etməlidir”.
Alyansın baş katibi bu hərbi-sənaye təşəbbüsünün “NATO-nun hərbi imkanlarının kəskin şəkildə artmasını təmin edəcəyini” iddia etdi. O, NATO-nun bütün bu planları hansı müddət ərzində həyata keçirmək niyyətində olduğunu dəqiqləşdirməyib. (Tass)