Azərbyacan ərazisində hava şəraiti əsasən yağmursuz keçib, lakin gecə saatlarında bəzi dağlıq və dağətəyi rayonlarda arabir şimşək çaxıb, qısamüddətli az yağış yağıb.
Bu barədə Milli Hidrometeorologiya Xidmətinin iyulun 12-si saat 09:00-a olan məlumatında qeyd edilib.
Qeyd olunub ki, düşən yağıntının miqdarı: Balakən, Qrız, Qusar (Laza), Daşkəsən, Kəlbəcər, Laçın, Qubadlıda 1 mm-dir.
Şahdağ, Şahbuz, Qusar, Daşkəsəndə duman müşahidə olunub, görünüş məsafəsi 500 metrədək məhdudlaşır. Hazırda Bakıda və Abşeron yarımadasında şimal-qərb küləyinin maksimal sürəti 17 m/s-yə çatır.
Havanın maksimal temperaturu Bakıda və Abşeron yarımadasında 33, Naxçıvan MR-da 37, Aran rayonlarında 38, dağlıq rayonlarda 27 dərəcəyədək isti müşahidə olunub. (Report)