Yəmən silahlı qüvvələri İranın hava məkanını pozmasının qarşısını almaq üçün bütün mövcud vasitələrdən istifadə etməklə hədələyib. Bu barədə Yəmən dövlət xəbər agentliyi SABA- nın məlumatına görə, müdafiə naziri general-leytenant Taher əl-Aqili bildirib.
Agentlik nazirin ölkə silahlı qüvvələrinə və xalqına müraciətində dediyi sözləri sitat gətirib: “Biz Yəmənin hava məkanını və suverenliyini pozan düşmən təyyarələri ilə qarşılaşacaq və düşmənə dərs vermək üçün onlara qarşı bütün mövcud vasitələrdən istifadə edəcəyik”.
Nazir qeyd edib ki, Yəmən hökuməti regional və beynəlxalq ictimaiyyətlə əməkdaşlıq edərək İranı və Ənsar Allah hərəkatının husi üsyançılarını Yəmənin hava məkanını İran təyyarələri ilə pozmamağa inandırmaq üçün “bütün hüquqi və diplomatik vasitələrlə” çalışıb. O qeyd edib ki, oxşar hadisələr əvvəllər də baş verib, lakin əvvəlkilərdən fərqli olaraq, hazırkı pozuntu beynəlxalq hüquqa ziddir.
“Bu məqamda səbrimizin tükəndiyini bəyan edirik və buna görə də bu qəddar və xain hərəkətə müvafiq şəkildə cavab verəcəyik. <…> Biz İran rejimini tam mənəvi və hüquqi məsuliyyətə cəlb edirik”, – deyə əl-Aqili vurğulayıb. O, əlavə edib ki, Yəmən xalqı və rəhbərliyi ölkəni “nəticəsindən asılı olmayaraq quruda, dənizdə və havada” müdafiə edəcək. (Tass )