“Mirvarid Dilbazi Poeziya Məclisi” İctimai Birliyi və “Kəlağayı ev muzeyi”nin birgə təşkilatçılığı ilə Azərbaycan Milli QHT Forumunun konfrans zalında Azərbaycan kəlağayısının qorunması, təbliği və gələcək nəsillərə ötürülməsinə həsr olunmuş “Kəlağayım millidir, butalıdır, güllüdür” adlı dəyirmi masa keçirilib.
AZƏRTAC xəbər verir ki, əvvəlcə Azərbaycanın ərazi bütövlüyü və suverenliyi uğrunda canlarından keçmiş şəhidlərin xatirəsi bir dəqiqəlik sükutla yad edilib. Daha sonra iştirakçılara mövzuya həsr olunmuş videoçarx təqdim edilib.
Dəyirmi masada Azərbaycan kəlağayısının milli-mənəvi dəyərlər sistemində tutduğu yer, bu qədim sənət nümunəsinin qorunması, təbliği və gələcək nəsillərə ötürülməsinin əhəmiyyəti ətrafında fikir mübadiləsi aparılıb.
Tədbir çərçivəsində Azərbaycan kəlağayılarının müxtəlif nümunələrindən ibarət sərgi təşkil olunub.