Pekinin ABŞ seçkilərinə müdaxiləsi ilə bağlı iddialara baxmayaraq, ABŞ Çinə qarşı tarifləri sərtləşdirmək planında deyil. Bu barədə ABŞ Prezidentinin ticarət və istehsal üzrə müşaviri Peter Navarro Ağ Evdə TASS müxbirinin də daxil olduğu kiçik bir jurnalist qrupuna məlumat verib.
“Xeyr. Düşünürəm ki, bunlar fərqli sahələrdir”, – deyə o, ABŞ-ın yuxarıda qeyd olunan eyhamları nəzərə alaraq Çinə qarşı tariflərini dəyişdirib-dəyişdirməyəcəyi ilə bağlı suala cavab olaraq vurğuladı. “Bu, Çinlə bağlı deyil. Bu, ABŞ-ın siyasi səviyyədə seçki sistemimizin təhlükəsizliyini təmin etməkdən imtina etməsi ilə bağlıdır”, – deyə ABŞ liderinin müşaviri bildirib. (Tass)