Türkiyə hakimiyyəti ölkənin cənubunda, xüsusən də Aralıq dənizi əyalətləri olan Antalya və Muğlada meşə yanğınlarını nəzarət altına almaq üçün lazımi tədbirlər görür. Bu barədə Prezident Rəcəb Tayyib Ərdoğan sədrliyi ilə keçirilən Nazirlər Kabinetinin iclasından sonra xalqa müraciətində bildirib. İclas TRT Haber kanalı tərəfindən yayımlanıb.
“Bu gün ölkə daxilində 90 yanğın baş verib ki, bunlardan 59-u meşəsiz ərazilərdə başlayıb. Bu yanğınlardan 81-i tamamilə nəzarət altına alınıb. Hazırda Muğla, Balıkesir, Antalya və Çanaqqala əyalətlərində yanğınların nəzarət altına alınması üçün işlər görülür”, – deyə Ərdoğan bildirib.
O əlavə edib ki, “aktiv yanğınları söndürmək üçün iyirmi bir təyyarə, 58 helikopter, 929 yerüstü nəqliyyat vasitəsi və 3200 personal səfərbər edilib”. Ərdoğanın sözlərinə görə, ümumilikdə milli meşə yanğınlarına qarşı mübarizə qüvvələri təxminən 28.000 yanğınsöndürən, 140.000-dən çox könüllü, 28 təyyarə, 119 helikopter, 14 PUA və təxminən 6.000 yerüstü nəqliyyat vasitəsindən ibarətdir. (Tass)