“Report”un Laçına ezam olunan əməkdaşı xəbər verir ki, rayona qayıdan sakin Ramil Həsənov burada yaşamağın, qurub-yaratmağın qürurverici olduğunu deyib.
R.Həsənov Laçına qayıtdığı ilk dövrdə Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin ona öz biznesini qurmaqda ciddi dəstək göstərdiyini bildirib:
“İş qurmaq üçün Agentliyə müraciət etdikdə, mənə müəyyən zərf seçimi təklif olundu. “Fast food” zərfini seçdim və bu sahə üzrə müxtəlif avadanlıqlar, dönər aparatları, soyuducu, qızdırıcı, ət saxlamaq üçün olan soyuducu, stol-stulla təmin edildim. İlk fəaliyyətə başlayanda sadəcə, mən və bir işçi vardı. Hazırda isə artıq doqquz nəfərlik işçi heyətimiz mövcuddur. Laçında yerli sakinlərə və qonaqlara xidmət göstərmək, həqiqətən, qürurvericidir”.