ABŞ dövlət katibinin Avropa və Avrasiya məsələləri üzrə köməkçisi Ceyms O`Brayen dekabrın 6-dan 8-dək Azərbaycan və Rumıniyaya səfər edəcək. Bu barədə bazar ertəsi Dövlət Departamentinin mətbuat xidmətinin yaydığı bəyanatda deyilir.
Sənəddən belə çıxır ki, O`Brayen Bakıda “Azərbaycan və Ermənistan arasında ikitərəfli münasibətləri möhkəmləndirmək və sülhü dəstəkləmək məqsədi ilə Azərbaycan rəsmiləri ilə görüşəcək”.
Rumıniyada dövlət katibinin köməkçisi Moldova və Ukrayna rəsmiləri, eləcə də Avropa Komissiyasının nümayəndələri ilə yanaşı taxıl ixracı ilə bağlı iclasda iştirak edəcək. Orada o, “qarşılıqlı maraq doğuran məsələləri müzakirə etmək” niyyətindədir. (Tassz)