Ermənistan Milli Assambleyası Dağlıq Qarabağın Azərbaycanın tərkib hissəsi kimi tanınmasına görə cinayət məsuliyyətinin müəyyən edilməsi haqqında qanun layihəsini plenar iclasın gündəliyinə daxil etməyib. Hökumətyönlü “Mülki Müqavilə” fraksiyası isə əleyhinə səs verib. İclas parlamentin YouTube kanalında onlayn yayımlanır.
Layihəni təmsil edən müxalifətçi deputat Artsvik Minasyan bildirib ki, “Mülki müqavilə” fraksiyası öz səsverməsi ilə Ermənistanın 58 min vətəndaşının təşəbbüsü ilə həyata keçirilən layihəni rədd edərək, onun qeyri-legitimliyini bir daha təsdiqləyib.