Macarıstanın hakim partiyası Fides – Macarıstan Vətəndaş Birliyi respublika parlamentinə hökuməti Ukraynanın Aİ-yə daxil olması ilə bağlı danışıqların başlanmasını dəstəkləməməyə çağıran qətnamə təqdim edib. Bu barədə Reuters məlumat yayıb.
“Avropa İttifaqının genişlənməsi siyasəti qaydalara və nəticələrə əsaslanan obyektiv proses olaraq qalmalıdır”, – deyə agentlik qətnamənin mətnindən sitat gətirir: “Ukrayna ilə üzvlüklə bağlı danışıqların başlanması AB-yə üzv ölkələrin konsensusuna əsaslanmalıdır.Bu gün bunun üçün heç bir şərait yoxdur”.
Sənəddə həmçinin qeyd edilir ki, Aİ liderləri ilk növbədə Ukraynanın üzvlüyünün blokun bütövlüyünə və onun kənd təsərrüfatı siyasətinə təsirlərini hərtərəfli qiymətləndirməlidirlər ki, bu da Macarıstan da daxil olmaqla, daha kasıb Aİ ölkələrinə daha çox fayda gətirir.
Bundan əvvəl Macarıstanın baş naziri Viktor Orban bildirib ki, Budapeşt Aİ-nin dekabrın 14-15-də Brüsseldə keçiriləcək sammitinin gündəliyinə Ukraynanın icmaya daxil olması ilə bağlı Kiyevlə danışıqlara başlamaq məsələsini daxil etməməyi təklif edir. Baş nazir qeyd edib ki, “Macarıstan danışıqlara veto qoymayacaq”, çünki bu, sadəcə olaraq, lazım deyil. O izah edib ki, “müəyyən məsələlər var ki, Aİ-də qərarlar yalnız bütün ölkələrin razılığı ilə qəbul edilir” və bu halda konsensus yoxdur. (Tass)