İsrail Müdafiə Qüvvələrinin (IDF) əsgərləri Qəzza zolağının şimalında məktəb və xəstəxananın yaxınlığında böyük bir raket və silah anbarı aşkar ediblər. Bu barədə ordunun mətbuat xidməti məlumat yayıb.
“Hərbi əməliyyatlar zamanı ən böyük raket və silah anbarlarından biri Qəzza zolağının şimalında xəstəxana və məktəbin bilavasitə yaxınlığında aşkar edilib. Arsenalda yüzlərlə raket və qumbaraatan, onlarla tank əleyhinə raket və mərmi var idi. İsrailin mərkəzi hissəsini atəşə tutmaq üçün nəzərdə tutulan reaktiv yaylım atəşi sistemləri, onlarla qumbaraatan və pilotsuz uçuş aparatları”, – məlumatda deyilir.
Mətbuat xidməti “bütün terror infrastrukturunun mülki inkişafın mərkəzində mülki qurumların yaxınlığında yerləşdiyini” vurğulayıb. “Bu, HƏMAS terror təşkilatının Qəzza zolağının mülki əhalisindən canlı qalxan kimi istifadə etməsinin növbəti sübutudur”, – deyə İsrail ordusu əlavə edib. (Tass)