İsrailin xarici işlər naziri Eli Koen BMT-nin baş katibi Antonio Quterreşin Qəzza zolağında humanitar atəşkəsin müzakirəsi tələbi ilə dünya təşkilatının Təhlükəsizlik Şurasına müraciətini tənqid edib. Onun fikrincə, Quterreşin baş katib kimi fəaliyyəti dünya sülhünü təhdid edir və baş katibin açıqlamaları HƏMAS hərəkatının fələstinli radikallarını dəstəkləməyə bərabərdir.
“Quterreşin BMT-nin baş katibi kimi fəaliyyəti dünya sülhünü təhdid edir. Onun [BMT Nizamnaməsinin] 99-cu maddəsinin tətbiqi və Qəzzada atəşkəs çağırışı terror təşkilatı HƏMAS-a dəstək və yaşlıların öldürülməsinin, körpələrin qaçırılması və qadınların zorlanmasının təsdiqlənməsidir” deyə nazir Cohen X sosial şəbəkəsindəki (keçmiş Twitter) səhifəsində dərc etdiyi şərhdə qeyd edib.
“Dünya sülhünü dəstəkləyən hər kəs Qəzzanın HƏMAS-dan azad edilməsinə dəstək verməlidir”, – İsrailli nazir hesab edir. (Tass)