Ermənistan və Rusiya İrəvanın ödədiyi, lakin hələlik Moskvanın tədarük etmədiyi silahlar məsələsini tərəfdaşlıq şəraitində həll etməlidir. Bu fikirləri brifinqdə Ermənistan parlamentinin xarici əlaqələr daimi komissiyasının rəhbəri Sarqis Xandanyan deyib.
“Ümid edirəm ki, bu məsələ tərəfdaşlıq şəraitində həll olunacaq və Rusiyanın Ermənistan qarşısında götürdüyü öhdəliklər hansısa formada öz həllini tapacaq”, o qeyd edib.
Jurnalistin Ermənistanın silah pulu almadığına görə Rusiya Federasiyasını məhkəməyə verə biləcəyi ilə bağlı sualına qanunverici cavab verib ki, “nəzəri olaraq hər şey mümkündür”, amma “praktikada problem tərəfdaşlıq çərçivəsində həll edilməlidir”. “Ermənistanla Rusiya arasında münasibətlər tərəfdaşlıq xarakteri daşıyır”, o əlavə edib.
Bundan əvvəl Ermənistan müdafiə nazirinin müavini Hraçya Sarkisyan da bəyan etmişdi ki, İrəvan bu problemi Moskva ilə müzakirələr yolu ilə həll etmək niyyətindədir. (Tass)