“Hizbullah” şiə milislərinin silahlı birləşmələri Livanla sərhəddə İsrail hərbçilərinin mövqelərinə hücum edib.
“İslam müqavimət döyüşçüləri Qəzza zolağında Fələstin xalqının işğal rejiminin davam edən təcavüzünə qarşı müqavimətini dəstəkləmək üçün zərbələr endiriblər”, – Hizbullahın hərbi informasiya xidmətinin Telegram kanalında dərc olunmuş kommünikesində deyilir.
Orada bildirilir ki, şiə silahlı qruplaşmalar İsrailin Birket Riş, Cel əl-Aləm, Ramiya, Ruveysat, Nəqur, Həmra və Səməkdəki komanda və müşahidə məntəqələrini raket və minaatanlarla vurub. Bundan əlavə, Hizbullah döyüşçüləri Biranit və Metulla yəhudi yaşayış məntəqələrindəki ordu kazarmalarını atəşə tutub.
Kommunikedə bildirilir ki, “birbaşa zərbə nəticəsində düşmənin sıralarında itkilər olub, hərbi texnika və texniki avadanlıqlar, o cümlədən bir RLS sıradan çıxarılıb”. (Tass)