İsrailin Qəzza Zolağını atəşə tutması vasitəçilik səylərini çətinləşdirir və Fələstin anklavında humanitar fəlakəti dərinləşdirir. Bunu Qətərin hökumət başçısı, xarici işlər naziri Şeyx Məhəmməd bin Əbdül Rəhman Al Tani deyib.
WAFA xəbər agentliyinin məlumatına görə, o, Qətərin paytaxtında Doha Forumu çərçivəsində Fələstinin Baş naziri Məhəmməd Ştayye ilə görüşüb. Onlar Yaxın Şərq münaqişə zonasındakı vəziyyəti müzakirə ediblər.
“Humanitar atəşkəs başa çatdıqdan sonra İsrailin Qəzza zolağına davam edən bombardmanı (dekabrın 1-i səhər kəsilib – TASS) vasitəçilik səylərini çətinləaşdirir və [anklavda] humanitar fəlakəti daha da ağırlaşdırır”, – Şeyx Məhəmməd bin Əbdül Rəhman Əl Tani vurğulayıb.
O deyib: “Qətər və onun vasitəçilik tərəfdaşları daimi atəşkəsə gətirib çıxaran sakitliyə qayıtmaq üçün səyləri davam etdirməyə sadiqdirlər”. (Tass)