İngiltərə və İspaniya Türkiyəyə Eurofighters satmağın əleyhinə deyillər, lakin Almaniya hələ də buna qarşıdır. Bu barədə Türkiyənin Milli Müdafiə naziri Yaşar Gülər N-TV kanalında bildirib.
“Eurofighter mövzusu yeni deyil, artıq 2-3 ildir. Məndən əvvəlki nazirlər də bununla məşğul olublar. Təbii ki, biz alternativləri öyrənirik, tərəfdaşlarla danışırıq. Eurofighter çox yaxşı alternativdir. Buna ehtiyac var və biz onları almaq istəyirik.İspaniyadan və İngiltərədən bununla bağlı heç bir problem yoxdur.[Almaniya] bizim tərəfdaşımız kimi birbaşa imtina etdiyini bildirmir.Müttəfiq müttəfiqə bunu deməz.Amma onlar [Almaniya] da biraz prablem var. Ümid edirəm ki, məsələ sonda öz həllini tapacaq”, – deyə nazir bildirib.
O, tənqidlə qeyd edib ki, “NATO daxilində Türkiyənin silah almasına qarşı müxalifət var”. “[Almaniyadan] səbəblər fərqli görünür. Məsələn, onlardan harada istifadə edə biləcəyimizlə bağlıdır. Amma bağışlayın, biz sizin tərəfdaşlarınız və müttəfiqlərik. Bizim müdafiə sənayemiz o qədər inkişaf edib ki, bəlkə sabah sizə silah satacağıq”. Amma düşün, “biz də sizin kimi olmayacağıq” deyə Gülər qeyd edib.
ABŞ-dan F-16 qırıcılarının alınması perspektivlərinə toxunan nazir qeyd edib ki, ABŞ Konqresindən hələlik təsdiqini almamış bu müqavilənin taleyi ilə bağlı “narahat olmağa əsas görmür”. Gülər, “Heç bir problem olmadığına inanırıq. Sonda məsələ öz həllini tapacaq” deyib. O, həmçinin qeyd edib ki, hazırda ordunun təyyarələrə təcili ehtiyacı yoxdur, lakin gələcək üçün həm satınalma, həm modernləşdirmə proqramları, həm də döyüş təyyarələrinin öz istehsalı həyata keçirilir. (Tass)