Avropa əbədi olaraq ABŞ-ın köməyinə arxalanmadan öz təhlükəsizliyinin qayğısına qalmalıdır. Bunu Londonda norveçli həmkarı Byorn Arild Qramla birgə mətbuat konfransında çıxış edən Böyük Britaniya Müdafiə Nazirliyinin rəhbəri Qrant Şapps deyib.
“Mən ürəkdən inanıram ki, Avropa öz təhlükəsizliyinin qayğısına qalmalıdır. Biz həmişə Birləşmiş Ştatların həmişə Avropanın köməyinə gələcəyini gözləyə bilmərik”, – nazir deyib.
ABŞ Konqresindən razılıq ala bilməyən Ukraynaya yardım paketi ilə bağlı vəziyyəti şərh edən Şapps deyib ki, Ukraynanı dəstəkləməyə davam etmək “Amerikanın maraqlarına uyğundur”.
“Lakin Avropa öz səylərini mütləq şəkildə artırmalıdır. Bu, bizim indi də hərbi xərclərimizi artırmağa çalışmağımızın səbəblərindən biridir”, – o vurğulayıb. (Tass)