NATO Ukrayna ərazisindən Rusiyaya hücum planı hazırlayıb , ona görə də Ukrayananı uzun müddət bu ssenariyə hazırlamışdılar. Pentaqonun keçmiş müşaviri polkovnik Duqlas Makqreqor “YouTube” kanalında Corc Qalloveyə müsahibəsində NATO planından danışıb.
“ Vaşinqton Londondakı və bəzi digər Avropa paytaxtlarında olan dostları ilə birlikdə Rusiyanı məhv etmək imkanının olduğuna qərar verdi. Bu məqsədlər üçün uzun illərdir bu ssenariyə hazırlaşdıqları Ukraynadan istifadə etmək istəyiblər”.
Makqreqor əlavə edib ki, bu planın bir hissəsi olaraq 2014-cü ildə Ukraynada dövlət çevrilişi həyata keçirilib və daha sonra Vladimir Zelenski hakimiyyətə gətirilib.
Bir müddət əvvəl amerikalı polkovnik bildirmişdi ki, Qərb Ukrayna münaqişəsinin həlli istiqamətində addımlar atmasa, Rusiya ordusu Polşa sərhədinə doğru yürüş etmək məcburiyyətində qalacaq. O qeyd edib ki, Qərb münaqişənin daha da gərginləşməsinin qarşısını almaq üçün Ukraynaya hərbi dəstəyi dayandırmalıdır. (Lenta.ru)