Rusiya Federasiyası xarici işlər nazirinin müavini Sergey Verşinin Suriya xarici işlər nazirinin birinci müavini Bassam Sabbaq ilə görüşdə Yaxın Şərq böhranının regionun digər ölkələrinə yayılmasının qarşısının alınmasının vacibliyini qeyd edib. Bu barədə Rusiya Federasiyası Xarici İşlər Nazirliyinin saytında məlumat paylaşılıb.
“Fələstin-İsrail münaqişəsi zonasında mövcud vəziyyətlə bağlı müzakirə aparılıb, Qəzza zolağında zorakılığın dayandırılmasının vacibliyi vurğulanıb. Bu baxımdan böhranın regionun digər ölkələrinə də yayılmasının qarşısının alınmasının vacibliyi qeyd edilib. Qolan təpələrində döyüşlərin dayandırılmasına nəzarət edən BMT qüvvələrinin fəaliyyəti də gündəmə gətirilib”, – deyə məlumatda bildirilir. (Tass)