İsrail Hərbi Hava Qüvvələrinə məxsus pilotsuz uçan aparat şiə Hizbullah milislərinin İsraillə sərhəddən 40 km aralıda yerləşən Livanın Xomin əl-Taxta kəndində yerləşən bazasına zərbə endirib. Bu barədə agentliyi Al Wataniya məlumat yayıb.
Xodr İsa kəndinin merinin sözlərinə görə, Livan-İsrail sərhədində hərbi eskalasiya başlayandan bəri ilk dəfə olaraq İsrail hərbçiləri Livanın cənub ərazisinin dərinliklərindəki hədəfə hücum edib.
“İsrailin aqressiv hərəkəti mülki əhalinin evlərinə qarşı yönəlib, maddi ziyan dəyib, sakinlər arasında itki yoxdur”, – o qeyd edib.
Şənbə günü İsrail Hərbi Hava Qüvvələri Cəbəl əs-Safi bölgəsi və ətraf Beni Hayyan, Markaba, Hamul, Houla və Əl-Labbuuna kəndlərinə reydlər həyata keçirib. Zərbələr nəticəsində 4 ev tamamilə dağılıb, 25 evə ziyan dəyib. (Tass)