Ukraynadakı münaqişə ilə bağlı vəziyyət Kiyevin əleyhinə işləyir. Britaniya Hərbi Hava Qüvvələrinin təqaüddə olan vitse-marşalı Şon Bell The Daily Express-ə müsahibəsində belə qiymətləndirib.
“Rusiya Qolyatdır, Ukrayna isə Daviddir. Ukraynalılar yaxşı dayansalar da, onların hava qüvvələri yoxdur. Onların aviasiyaları yoxdur. Onlar NATO üzvü deyillər. Onların əleyhinə işləyən bir çox vəziyyət var” deyib.
Ekspert qeyd edib ki, Ukrayna Silahlı Qüvvələri Rusiyanın müdafiə xəttini yarıb hücum zamanı cəbhədəki vəziyyəti dəyişə bilməyib. Əlavə qeyri-müəyyənliyi Kiyevin Qərb müttəfiqləri tərəfindən gələcək maliyyələşdirməsi məsələsi yaradır. Aİ bu ölkəyə dəstək üçün dörd illik proqrama uyğun olaraq Ukraynaya 50 milyard avro ayrılması məsələsi ilə bağlı hələ qərar verməyib və ABŞ Konqresi hələ də Kiyevə 61 milyard dollarlıq yardım paketini təsdiqləməyə hazır deyil.
“Beləliklə, sərt hərbi reallıq ondan ibarətdir ki, ukraynalılar heyrətamiz iş görsələr də, vəziyyət onların xeyrinə deyil”, – Bell deyib. “Amerikada hakimiyyət dəyişsə nə olacağını kim bilir? Ancaq görünən odur ki, bu, Ukraynaya xeyir verməyəcək”.