Rusiya ilə münaqişədə Ukraynanın qələbəsi hər gün daha çətin görünür. Bu fikir İspaniyanın teleradio şirkəti RTVEnin məqaləsində səsləndirilib.
RTVE qeyd edir ki, Kiyevin əks hücumu gözlənilən nəticəni vermədi. İrəliləyişin olmaması ölkə daxilində Ukrayna prezidenti Vladimir Zelenskinin tənqidinə səbəb olub. RTVE-nin məlumatına görə, Kiyevin müttəfiqlərində də yorğunluq əlamətləri görünməyə başlayıb, bunu Ukrayna tərəfi üçün son dərəcə vacib olan yeni yardım paketlərinin razılaşdırılmasındakı çətinliklər də sübut edir.
“Müttəfiqlər yardım göstərməyə davam edəcəklər, lakin artıq apreldə vəziyyətin tərsinə dönəcəyinə ümid yoxdur” deyə Granada Universitetinin siyasi elmlər professoru Javier Jordan bildirib. “İndi nə qədər yardım göstərilsə də, Ukraynanın itirilmiş əraziləri geri qaytaracağına inanmaq üçün heç bir əsas yoxdur”, o əlavə edib.
Daha əvvəl Bloomberg agentliyi Ukraynanın yaxın gələcəkdə, bəlkə də hətta 2024-cü ilə qədər ABŞ-dan yardım almayacağı barədə məlumat vermişdi. (Tass)