Böyük Britaniya, Almaniya və Fransa Qırmızı dənizdə gəmiçilik təhlükəsizliyini təmin etmək üçün ABŞ-ın rəhbərlik etdiyi koalisiyaya qoşulacaq. Bu barədə Al Hadath telekanalı məlumat yayıb.
Onun mənbələrinə görə, beynəlxalq koalisiya Yəmənin Ənsar Allah hərəkatının husi üsyançılarının son zamanlar mülki gəmilərə artan hücumlarına qarşı durmağa diqqət yetirəcək. Telekanal qeyd edub ki, ərəb ölkələri koalisiyaya qoşulmaqdan imtina ediblər.
Bundan əvvəl ABŞ prezidentinin milli təhlükəsizlik üzrə köməkçisi Ceyk Sallivan bildirib ki, Vaşinqton öz tərəfdaşları ilə birlikdə husilərə qarşı hərəkətə keçmək üçün koalisiya yaratmaq üzərində işləyir.
Qəzza zolağında Fələstin-İsrail münaqişəsinin şiddətlənməsindən sonra husilər İsrail ərazisinə hücumlar edəcəklərini və əməliyyat sona çatana qədər əlaqəli gəmilərin Qırmızı dəniz və Bab əl-Məndəb boğazından keçməsinə icazə verməyəcəklərini bildiriblər. (Tass)