“Report” xəbər verir ki, bunu Milli Məclisin komitə sədri Musa Quliyev parlamentin dekabrın 19-da keçirilən plenar iclasda çıxışı zamanı deyib.

O bildirib ki, bütün statistik məlumatlarda ancaq fiziki məişət zorakılığı önə çəkilir və bütün məlumatlar bunun üzərində qurulur:

“Amma məişət zorakılığının başqa formaları da var. Bura psixoloji, iqtisadi zəmində və s. Bununla bağlı hər hansı rəqəmlər və ya araşdırmalar varmı? BMT-nin hesabatlarına görə, qadınların 50 %-ə qədəri diskriminasiya və asılılığa məhkumdurlar. Ümumiyyətlə Azərbaycanda belə statistika varmı? Bizdə iqtisadi zəmində məişət zorakılığı nə qədərdir və səbəb nədir. Çünki fiziki məişət zorakılığına gedən yol psixoloji və iqtisadi zəmində zorakılıqdan başlayır”.