Fələstin radikal HƏMAS hərəkatının Siyasi Bürosunun sədri İsmayıl Haniyənin başçılıq etdiyi yüksək vəzifəli nümayəndə heyəti Qəzza zolağında atəşkəs və anklavda saxlanılan girovların dəyişdirilməsi məsələsini müzakirə etmək üçün dekabrın 20-də Qahirəyə getməyi planlaşdırır. Bu barədə AFP agentıiyi mənbəyə istinadən məlumat yayıb.
Onun sözlərinə görə, Haniyə Misirin paytaxtında Misirin Baş Kəşfiyyat İdarəsinin rəhbəri Abbas Kamel ilə “Qəzzaya qarşı təcavüzü və müharibəni dayandırmaq və məhbusların azad edilməsi haqqında saziş hazırlamaq üçün” danışıqlar aparacaq.
Daha əvvəl Fələstinin Qüds portalı mənbələrə istinadən HƏMAS nümayəndələrinin “yaxın günlərdə” Qahirəyə səfər etməyi planlaşdırdığını bildirib. (Tass)