Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, “Azərbaycan Respublikasının Vergi Məcəlləsində dəyişiklik edilməsi haqqında” Azərbaycan Respublikasının 2023-cü il 6 iyul tarixli 937-VIQD nömrəli Qanu- nunun icrasını təmin etmək məqsədilə Azərbaycan Respublikasının Nazirlər Kabineti qərara alır:
“Xüsusi ehtiyat fondlarının yaradılmasına aid edilən məbləğlərin vergitutma məqsədləri üçün gəlirdən çıxılması Qaydası”nın təsdiq edilməsi barədə” Azərbaycan Respublikası Nazirlər Kabinetinin 2021-ci il 22 sentyabr tarixli 276 nömrəli Qərarında (Azərbaycan Respublikasının Qanunvericilik Toplusu, 2021, № 9, maddə 1075) aşağıdakı dəyişikliklər edilsin:
1. Adında və 1-ci hissəsində “ehtiyat fondlarının yaradılmasına aid edilən məbləğlərin” sözləri “ehtiyatların” sözü ilə əvəz edilsin.
2. Həmin Qərarla təsdiq edilmiş “Xüsusi ehtiyat fondlarının yaradılmasına aid edilən məbləğlərin vergitutma məqsədləri üçün gəlirdən çıxılması Qaydası”nın adında və 1.1-ci bəndində “ehtiyat fondlarının yaradılmasına aid edilən məbləğlərin” sözləri “ehtiyatların” sözü ilə, 2-ci hissəsinin adında, 1.3-cü, 2.1-ci, 2.2-ci, 2.4-cü bəndlərində, 2.1.1-ci, 2.1.3-cü, 2.2.1-ci və 2.2.2-ci yarımbəndlərində və 2.2.3-cü yarımbəndinin birinci cümləsində ismin müvafiq hallarında “ehtiyat fondlarına aid edilən məbləğlər” sözləri ismin müvafiq hallarında “ehtiyatlar” sözü ilə, 2.3-cü bəndində “ehtiyat fonduna aid edilən məbləğlərdən” sözləri “ehtiyatlardan” sözü ilə əvəz edilsin.
Əli Əsədov
Azərbaycan Respublikasının Baş naziri
Bakı şəhəri, 20 dekabr 2023-cü il
№ 463Azərtac